Потполно нова куќа која ги прими првите гости во 2018 година. Се наоѓа на 50 м од песочната плажа, на дваесеттина минути пешки од центарот на Сарти. Во понуда се студија за две до четири лица на ниско приземје, прв и втор кат. Сите имаат SAT TV, кабелски и бежичен интернет и клима уред, чие користење е вклучено во цената. Организирано е чистење и промена на пешкирите и постелнината два пати во тек на престојот.
Студијата од предната страна на зградата имаат поглед кон брдото. Студијата од задната страна на зградата имаат поглед кон другите куќи и се наоѓаат на приземје, прв и втор кат. Студијата на приземјето, со оглед дека не се под нивото на земјата, се продаваат по редовни цени како и останатите на кат. Собите со ознака UT се наоѓаат на прв и втор кат и се со пониски цени, поради ориентацијата на терасите со поглед кон светларникот на куќата, па гостите имаат намалена приватност и полош поглед. Преку тие тераси не поминуваат другите гости.
Студијата со ознака DM (107,207) имаат поглед на море помеѓу зградите. Иста цена имаат и студијата со ознака garden (001,006), кои се на приземје и покрај тераса имаат и свој мал издвоен тревнат двор (околу 15 м2) со нишалка.
